臨記車仔麵 (已結業)

同阿女中午去左竹園約左朋友拎d嘢，阿女話好肚餓，平時比較少黎黃大仙呢區，唔太知有咩食，見到臨記車仔麵就入左去，好彩唔駛等位。點食物時，發現店鋪最近已經換左menu，由車仔麵改成傳統粉麵！五香牛腩牛筋河（雙併）- 河粉好滑，湯底既腩汁味濃，牛腩好淋香既牛肉味，牛筋唔會韌!紫菜五寶湯 - 小朋友最喜歡食，湯底清甜，有魚蛋、魚片，牛丸，墨丸，款款都好彈牙！另外有魚片，好香脆！另外，再叫左淨魚片，一杯豆漿和一杯檸樂，夠哂兩母女食，而且價錢唔貴！辣油唔太辣，但係加一小匙都好野味！