多味美 (已結業)

見間野裝修ok，於是一去一試。此店都是以上海菜為主，我們兩個人便打算叫一個二人餐，可選3個小菜送例湯同2碗飯。此時我們想知道味菜炒牛柳絲會不會辣，因為知道味菜可能會落辣椒一齊整，而我們不想食辣。問某店員此小菜辣不辣，但那店員很冷地教訓我們味菜點會辣呀﹗﹗咪即係咸酸菜，點會辣呀﹗﹗大佬落問下姐...想confirm下ma，後來黎左，發現果然辣椒﹗好彩唔係好辣，否則一定成碟退番俾佢，等佢咁串嘴。整體上食物尚可，節瓜粉絲煲的粉絲爛哂，一pat pat，火腿炒蛋無驚喜，碟牛柳絲得好少牛柳絲...例湯係例牌愈飲愈渴味精湯。非必要不需要到此一試。