openground (已結業)

今日同事經過深水埗做嘢，天氣炎熱想搵間Cafe坐低飲番杯coffee, 見到呢間門門有啲似展覽館，入到去竟然似自修室嘅Cafe，決定一試。今日好彩，唔使等位入到去即刻有位坐，佢嘅menu 都好有特色，似展覽館嘅指示牌。我點咗佢最Basic嘅 Hot White, 即係Hot Latte $38，飲落奶味感重，咖啡香淡易入口。同事就點咗Dirty, 原來係有多層奶同咖啡組成的，職員表示Dirty不需攪勻可以即刻飲，飲落香滑亦沒有苦澀味，好有特色。由於每張枱都好寬敞闊落，所以好多文青係度用電腦做緊自己嘢，有如自修室般，做功課一流。