影片
更多
2023-09-07
1091 瀏覽
最近港島香格里拉酒店推出左「港式 • 港食」主題自助餐！唔洗排隊都食到香港老字號：一樂燒鵝、安利魚蛋粉麵、泰昌餅店，連低調高手大街小食嘅雞蛋仔格仔餅都有！唔洗入筲箕灣都食到lu自助餐另一大亮點 絕對係榴槤專區、鐵板黑椒和牛、即切藍鰭吞拿魚、每人限量一碟花膠扒依家係Openrice預約有低至85折優惠！於網上免費登記做香格里拉會員更可享低至75折優惠，小童仲有半價添————————————————⠀🌟環球海鮮及「港式 • 港食」自助餐 (1830-2200)成人$798 (星期一至四) $848 (五六日 公眾假期及前夕)**供應至12月31號🇭🇰港式 • 港食🇭🇰1️⃣低調高手大街小食｜格仔餅同雞蛋仔幾高質喎！格仔餅軟綿帶咬口，唔會太濕或太硬，重點係可以自己喪加花生醬同煉奶！雞蛋仔外脆內軟，空心蛋味濃，仲有鹹蛋黃口味添2️⃣一樂燒鵝｜燒鵝皮微脆，油香肉味兼備。3️⃣安利魚蛋粉麵｜豉油撈麵撈得好均勻，唔會太鹹，仲無乜鹼水味。大推魚片頭！墨魚丸前者紮實有彈性，魚味好濃。後者爽彈，仲有粒粒爽口馬蹄。4️⃣泰昌餅家｜撻皮酥脆，蛋漿軟滑蛋味濃。🌟榴槤🌟榴槤甜品有
自助餐另一大亮點 絕對係榴槤專區、鐵板黑椒和牛、即切藍鰭吞拿魚、每人限量一碟花膠扒
依家係Openrice預約有低至85折優惠！於網上免費登記做香格里拉會員更可享低至75折優惠，小童仲有半價添
————————————————⠀
🌟環球海鮮及「港式 • 港食」自助餐 (1830-2200)
成人$798 (星期一至四) $848 (五六日 公眾假期及前夕)
**供應至12月31號
🇭🇰港式 • 港食🇭🇰
1️⃣低調高手大街小食｜格仔餅同雞蛋仔幾高質喎！格仔餅軟綿帶咬口，唔會太濕或太硬，重點係可以自己喪加花生醬同煉奶！雞蛋仔外脆內軟，空心蛋味濃，仲有鹹蛋黃口味添
2️⃣一樂燒鵝｜燒鵝皮微脆，油香肉味兼備。
3️⃣安利魚蛋粉麵｜豉油撈麵撈得好均勻，唔會太鹹，仲無乜鹼水味。大推魚片頭！墨魚丸前者紮實有彈性，魚味好濃。後者爽彈，仲有粒粒爽口馬蹄。
4️⃣泰昌餅家｜撻皮酥脆，蛋漿軟滑蛋味濃。
🌟榴槤🌟
榴槤甜品有約八款：榴槤冬甩、貓山王蛋卷、D24榴槤卷等。私心推薦貓山王拿破崙✨拿破倫鬆化有層次，牛油味好濃帶點焦香，中間嘅榴槤醬軟滑香濃。✨班蘭榴槤薄餅都ok喎！中間嘅cream好軟滑，班蘭同榴槤味幾岀幾平衡，唯獨餅皮冇乜彈性。
🔥熱葷🔥
熱蕈種類都算多，印度菜式有羊肉咖喱、印度烤餅，中式菜式有避風糖炒龍蝦、金銀蒜粉絲蒸龍手、辣酒煮螺、蠔皇蝦籽燴海參，西式菜式有煎魚配龍蝦汁、意大利雲吞配忌廉汁等。特別推薦以下幾款
❤️黑椒和牛｜必食！肉質軟腍帶微爽彈，肉汁滿滿，焦香富牛味，黑椒味濃~
❤️椒鹽鮑魚仔｜外皮薄脆，鮑魚彈牙唔韌，椒鹽味幾香
❤️黃金蝦球｜蝦球大隻彈牙，外層香脆帶咸蛋香，食落唔會好鹹好膩
❤️北菇菜膽花膠扒｜花膠厚身，炆得軟淋得黎仲feel到啲膠質
7pm聽到敲鑼響鼓聲，就係雲南氣鍋雞岀爐嘅時候啦！湯飲落感覺上無加味精，清清地幾有紅棗同肉味幾暖胃。
🌊海鮮🌊
凍海鮮有波士頓龍蝦、麵包蟹、加拿大青口、蝦，種類唔算太多，但都refill得幾快。刺身有吞拿魚、鯛魚、三文魚，三文魚可以一戰！
即切藍鰭金槍魚當日只限7:15 pm一輪，派晒就無啦！ 入口軟淋帶油香，算係壽司店食到嘅水準！
🍯甜品🍯
甜品除左上面嘅榴槤甜品、格仔餅雞蛋仔，仲有Rum baba、椰子熱帶果卷、番石榴紅胡椒蛋糕等。朱古力甜品特別搶手，超快無晒，今次淨係成功拎到濃厚帶莓香嘅生朱古力。蘭姆酒漬蛋糕好濕潤，可惜較甜無乜酒味。
值得一讚嘅係侍應服務態度一流！收碟速度好快，叫左熱檸檬水，仲主動提供蜜糖~
張貼
