BYO 自助烘焙 (已結業)

冇咩野做開個電話睇吓的，上下睇吓有咩介紹。睇睇下咁岩見到佢做promotion，經指定apps買一送一，見幾抵就約埋朋友去玩下啦🥳。既然有時間，有買一送一，我哋就揀咗個時間最長，難道最高嘅整🤣，就係老婆餅🤤。官方時間話需時三個鐘，最後整咗三個半鐘🤣。雖然唔係一對一教學，但係iPad有影片跟着做，如果唔明嘅話可以去問小老師，比起小組教學自由度會更高，整下停下影吓相🤣。有3個主要區域，有材料區，清潔區，煮食區。材料區好齊全，基本要用嘅材料都會有齊，除咗一啲指定材料要問職員攞之外，其他都可以喺材料區自己量份量返埋位整。準備好就可以拎去煮食區入爐，用完嘅工具就分類放喺清潔區。三個鐘好快就過咗，老婆餅就出爐啦。原來一個老婆餅係咁多工序😅，整完一次之後，覺得街買$10一個係值。