影片
更多
2021-08-15
263 瀏覽
豬油渣，即係肥豬肉汆水，然後再落鑊炒完再炸，每一粒都炸至金黃，入口香脆甘香，但係健康著想，這個邪惡嘢不能成日食。出名啲嘅當然係大角咀英記出品，而最近鰂魚涌新開嘅 #美蘭廚房 亦都見到呢個邪惡嘢蹤影。小店本身喺長沙灣Food Court，據說曾經日賣過百碗。除咗豬油渣同麵條係自家製，就連辣菜甫都係出自老闆娘之手，食麵就得要試埋辣菜甫。叉燒油渣麵（自家製麵條）$42/大麵條由於係用鴨蛋，所以蛋香會再重啲。最重要係面層好多香脆豬油渣，加埋叉燒同冬菇，都算豐富。湯頭就不過不失，叉燒好似都係老闆娘醃同焗，以小店來講真係有心機！趣致四味 $68有豆乳鹽酥雞、酥炸雞軟骨、酥炸雲吞和一口排骨，基本上係炸炸炸炸，全部都係熱辣辣上檯，夠哂熱氣！自家製菜甫有大辣同小辣，真係食得到辣先好食大辣，加入個湯度食，增加味道層次。餐牌上都多食物款式，下次想食鴨肉翅！
豬油渣，即係肥豬肉汆水，然後再落鑊炒完再炸，每一粒都炸至金黃，入口香脆甘香，但係健康著想，這個邪惡嘢不能成日食。出名啲嘅當然係大角咀英記出品，而最近鰂魚涌新開嘅 #美蘭廚房 亦都見到呢個邪惡嘢蹤影。小店本身喺長沙灣Food Court，據說曾經日賣過百碗。除咗豬油渣同麵條係自家製，就連辣菜甫都係出自老闆娘之手，食麵就得要試埋辣菜甫。
叉燒油渣麵（自家製麵條）$42/大
麵條由於係用鴨蛋，所以蛋香會再重啲。
最重要係面層好多香脆豬油渣，加埋叉燒同冬菇，都算豐富。
湯頭就不過不失，叉燒好似都係老闆娘醃同焗，以小店來講真係有心機！
趣致四味 $68
有豆乳鹽酥雞、酥炸雞軟骨、酥炸雲吞和一口排骨，基本上係炸炸炸炸，全部都係熱辣辣上檯，夠哂熱氣！
自家製菜甫
有大辣同小辣，真係食得到辣先好食大辣，加入個湯度食，增加味道層次。
餐牌上都多食物款式，下次想食鴨肉翅！
張貼
