影片
更多
2020-11-18
389 瀏覽
<<Thursday Couple 為食記👣😋>> 個排見到Fb 有人介紹呢火山石牛扒，之後就個個ig story 都Po滋滋渣渣嘅煎牛扒聲，加埋舊扒睇落都好厚下，對我呢個牛魔王黎講，真係見到都食慾大開。所以就一心同男朋友去呢間近近地嘅餐廳，黎踞個靚扒仔。去到個到，就睇到有個好日式嘅販賣機，可以揀自己中意嘅牛扒食，四種牛，可以揀埋重量，細食嘅可以揀200g ，而我地兩個就一人叫左一塊，各300g 嘅，一塊安格斯，一塊西冷。之後驚唔夠飽，本身想每一叫碗飯，order 咗岀埋飛，個職員提醒我哋，原來個餐本身就有包任添飯！🤣🤪🍚 所以佢就幫我哋取消番，再refund 番比我地，好好人！加上到去係有個自助吧，比客人任添沙律，飯，仲有好好味嘅飯素！真係大食嘅話可以食白飯食飽！🤣🤣 令我最驚喜嘅係，佢仲有個好足料嘅羅宋湯，應該用左好多剩牛去煲，好有牛味，濃郁，好有水準，我都添飲左幾碗！😋之後重點牛扒要黎喇！黎之前，個職員好好咁問我洗唔洗要圍裙，可能因為見我着左白色衫！驚我整污糟，好細心，好warm 🥰❤️ 果然牛扒黎到 ，一黎就已經好香好香，個啲油脂多到啲油周圍彈，好
個排見到Fb 有人介紹呢火山石牛扒，之後就個個ig story 都Po滋滋渣渣嘅煎牛扒聲，加埋舊扒睇落都好厚下，對我呢個牛魔王黎講，真係見到都食慾大開。所以就一心同男朋友去呢間近近地嘅餐廳，黎踞個靚扒仔。
去到個到，就睇到有個好日式嘅販賣機，可以揀自己中意嘅牛扒食，四種牛，可以揀埋重量，細食嘅可以揀200g ，而我地兩個就一人叫左一塊，各300g 嘅，一塊安格斯，一塊西冷。之後驚唔夠飽，本身想每一叫碗飯，order 咗岀埋飛，個職員提醒我哋，原來個餐本身就有包任添飯！🤣🤪🍚 所以佢就幫我哋取消番，再refund 番比我地，好好人！
加上到去係有個自助吧，比客人任添沙律，飯，仲有好好味嘅飯素！真係大食嘅話可以食白飯食飽！🤣🤣 令我最驚喜嘅係，佢仲有個好足料嘅羅宋湯，應該用左好多剩牛去煲，好有牛味，濃郁，好有水準，我都添飲左幾碗！😋
之後重點牛扒要黎喇！黎之前，個職員好好咁問我洗唔洗要圍裙，可能因為見我着左白色衫！驚我整污糟，好細心，好warm 🥰❤️ 果然牛扒黎到 ，一黎就已經好香好香，個啲油脂多到啲油周圍彈，好彩有啲圍裙仔！
因為個石仲興住舊牛，所以佢不停咁加熱，所以唔想食太熟嘅朋友仔可能真係要食快小小，而想食熟啲嘅就可以好似我咁將牛切細塊啲先，咁佢受熱就會均勻啲，易熟啲！可以同另一半咁煎下牛扒過程都幾好玩！不過都要注意，可能每塊板嘅熱度比較難控制，男朋友果塊唔知點解比較快就冇左吱吱聲，而我個塊就瘋狂加緊熱🤣🤣一加上又係自己煎，可能熟度真係比較難掌控。同埋大家要小心比油彈親！
而兩塊牛其實都好好味，好夠厚身，不過安格斯個舊就好似正啲，啲油脂又多，但又唔會太油膩，食落都嫩口！牛嘅質地真係唔錯！但熟度真係要靠下自己喇！
可能係我煎得好食🤣🤪值得讚係staffs 好好！
張貼