影片
更多
2024-08-27
436 瀏覽
爸爸突然話荃灣開咗間泰式嘅火鍋放題，即刻收到做野！今日就帶佢去食🤣環境餐廳闊落新淨，坐得都舒服湯底除咗一般見到嘅壽喜燒鍋、蕃茄鍋等，仲有幾款都係泰式湯底，冬陰功鍋、叻沙鍋、檸檬香茅等，啱晒食慣火鍋，又想試新嘢嘅人😆自助吧枱其實我都係第一次食泰式嘅火鍋放題，諗住都冇咩特別，不過原來真係有多啲唔同嘅泰式熱食提供，對比普通火鍋放題，有幾特別👍🏻 佢嘅熱食包括海南雞、冬陰功湯、泰式油飯、粉絲、泰式辣肉碎，味道都唔錯喎！😍菜款式都幾多，基本一般火鍋放題既菜都有🙊 飲品有泰式奶茶、香茅水！泰式奶茶甜甜地，有奶茶味，好OK！👍🏻 仲有飲品櫃有椰汁水、寫住泰文嘅飲品😂 可以試新嘢😎 我哋叫咗個泰金冬陰功鍋同埋青檸椰奶雞湯鍋，一開始嘅味道會出啲，加湯之後就會淡左，因為佢哋用同一款湯底加湯。自助刨冰機+甜品佢仲有個刨冰機，加冰落去就可以出到刨冰，仲有好多配料俾你自己，製作你自己嘅刨🤤 甜品唔少得泰式嘅嘢，包括椰汁西米糕同埋千層椰汁糕，仲有啲雪糕雪條🤟🏻B餐美國產極選肩胛牛小排餐 （120分鐘） $338 肉質都唔錯，包埋A餐既肉揀，都有五款肉，三、四款海鮮揀；食材都新鮮。B餐包埋嘅熱食都唔少，有沙嗲串燒、
環境
餐廳闊落新淨，坐得都舒服
湯底
除咗一般見到嘅壽喜燒鍋、蕃茄鍋等，仲有幾款都係泰式湯底，冬陰功鍋、叻沙鍋、檸檬香茅等，啱晒食慣火鍋，又想試新嘢嘅人😆
自助吧枱
其實我都係第一次食泰式嘅火鍋放題，諗住都冇咩特別，不過原來真係有多啲唔同嘅泰式熱食提供，對比普通火鍋放題，有幾特別👍🏻 佢嘅熱食包括海南雞、冬陰功湯、泰式油飯、粉絲、泰式辣肉碎，味道都唔錯喎！😍
菜
款式都幾多，基本一般火鍋放題既菜都有🙊
飲品
有泰式奶茶、香茅水！泰式奶茶甜甜地，有奶茶味，好OK！👍🏻 仲有飲品櫃有椰汁水、寫住泰文嘅飲品😂 可以試新嘢😎 我哋叫咗個泰金冬陰功鍋同埋青檸椰奶雞湯鍋，一開始嘅味道會出啲，加湯之後就會淡左，因為佢哋用同一款湯底加湯。
自助刨冰機+甜品
佢仲有個刨冰機，加冰落去就可以出到刨冰，仲有好多配料俾你自己，製作你自己嘅刨🤤 甜品唔少得泰式嘅嘢，包括椰汁西米糕同埋千層椰汁糕，仲有啲雪糕雪條🤟🏻
B餐美國產極選肩胛牛小排餐 （120分鐘） $338
肉質都唔錯，包埋A餐既肉揀，都有五款肉，三、四款海鮮揀；食材都新鮮。B餐包埋嘅熱食都唔少，有沙嗲串燒、無骨鳳爪沙律、炸豬皮、雞寶👏👏
夾活蝦體驗🤩
坊間咁多火鍋店，點先突圍而出？呢間就有嘅活蝦體驗😆😆 記得一定要裝啲冰喺個桶底減低活蝦嘅活躍度，如果唔係，啲蝦有機會彈返出嚟㗎🤣🤣
Tips: 爸爸話夾蝦，最緊要夾啲仲郁緊，有啲反應嘅蝦，咁樣先叫新鮮喎🙊 同埋擺落個火鍋入邊嘅時候，記得攞筷子夾住佢一陣先，以免佢彈返出嚟🙈
結論
🫰好多泰式嘅食物，啱晒鍾意泰國菜又鍾意打邊爐嘅人
🫰食物新鮮，款式多
🫰有好多新體驗，夾蝦、刨冰🍧 啱一家大細同小朋友一齊黎食玩俾錢🙊🤣
好味度：8/10
回頭度：8/10
餐廳資料
餐廳名稱：泰金鍋
餐廳地址：荃灣大河道100號海之戀商場1樓1010號舖
營業時間：星期一至日 11:30-22:30
張貼
