影片
更多
2016-10-23
3152 瀏覽
之前約o左老公o既朋友o係尋(22-10-2016 Sat)晚食老公o既生日飯,一共有6大1 細,老公o既男友人IN提議呢間,亦book o左位,我同老公先攞位等佢o地.人齊喇,我o地就叫:1. $128.00o既田園沙律叫o左主菜,就以呢個價享有一客.男友人AY出去舀,佢樣樣舀啲,有西瓜,青瓜片,沙律菜,西蘭花,紅提子,長通粉,紅腰豆,粟米粒等.長通粉口感正常,唔會好腍;其他o野都普通不過啦.2. $78.00 o既炸洋蔥圈炸得乾身,冇乜油,內裡o既 洋蔥熟透冇辣味而且腍,但洋蔥味冇乜.醬就有蜜糖芥末同茄汁蘸.蜜糖芥末蜜糖唔多夠,只能夠話好啲啲.3. $328.00o既特色加州墨西哥烤薄餅賣相OK,之前我冇詳細睇餡料有乜o野,我就食到有牛油果,而所有饀料都腍,薄餅脆.酸忌廉唔酸, salsa辛香番茄醬就有啲啲辣味.但成個本身味道溫和同唔鹹.o衣o家睇返menu,話有avocado (鱷梨), 碎車打芝士,雞肉,煙肉,蕃茄粒,酸忌廉同salsa辛香番茄醬(墨西哥食物中用番茄、洋蔥做的辣調味汁).原來鱷梨?但超似牛油果噃.4. $288.00o既鐵板精選拼盤又係o衣o家睇menu,有烤牛
1. $128.00o既田園沙律
叫o左主菜,就以呢個價享有一客.男友人AY出去舀,佢樣樣舀啲,有西瓜,青瓜片,沙律菜,西蘭花,紅提子,長通粉,紅腰豆,粟米粒等.
長通粉口感正常,唔會好腍;其他o野都普通不過啦.
2. $78.00 o既炸洋蔥圈
炸得乾身,冇乜油,內裡o既 洋蔥熟透冇辣味而且腍,但洋蔥味冇乜.醬就有蜜糖芥末同茄汁蘸.蜜糖芥末蜜糖唔多夠,只能夠話好啲啲.
3. $328.00o既特色加州墨西哥烤薄餅
賣相OK,之前我冇詳細睇餡料有乜o野,
我就食到有牛油果,而所有饀料都腍,薄餅脆.酸忌廉唔酸, salsa辛香番茄醬就有啲啲辣味.但成個本身味道溫和同唔鹹.o衣o家睇返menu,話有avocado (鱷梨), 碎車打芝士,雞肉,煙肉,蕃茄粒,酸忌廉同salsa辛香番茄醬(墨西哥食物中用番茄、洋蔥做的辣調味汁).原來鱷梨?但超似牛油果噃.
4. $288.00o既鐵板精選拼盤
又係o衣o家睇menu,有烤牛扒,雞胸同洋蔥,伴以(墨西哥)玉米粉薄烙餅 tortillas,碎車打芝士,生菜,蕃茄粒,酸忌廉同salsa辛香番茄醬(墨西哥食物中用番茄、洋蔥做的辣調味汁).
後半部伴(墨西哥)玉米粉薄烙餅o既餡料同醬,同上面特色加州墨西哥烤薄餅差唔多,捉蟲添.牛扒同雞胸都已經切成條狀,有少少辣o既,但兩樣都o鞋,失望.
而微暖o既(墨西哥)玉米粉薄烙餅呢,令碎車打芝士半熔,咁口感又唔錯o既.而同樣都唔太鹹,OK.
5. $198.00 o既珍寶蟹肉餅
見到都唔係好大件,IN將佢分成六份,內裡真係全蟹肉,
menu話伴以泰式甜辣醬,但睇到唔係o個樣o野,我覺得係沙律醬.呢個唔多食到蟹o既鮮味噃.而沙律菜冇加任何汁料,咁自己唧檸檬汁上去食啦.
6. $198.00o既巨型蘑菇烤雞胸
巨型蘑菇唔見得有幾巨型,我食o左一件,味道唔算太濃易入口; 烤雞胸我就食到好鹹就唔敢食,IN話另外o個邊唔鹹,應該係廚師灑鹽灑得唔均勻,咁我又食多件,係噃,唔鹹;而佢o既質地好啲,唔o鞋o既.而墊底o既薯蓉唔係全滑,仍食到啲薯仔粒,OK o既.
後加o既:
7. $208.00o既蜆肉意大利幼麵
蜆肉都幾多,但我食到有沙粒, 意大利幼麵唔算好腍,而味道,佢o地用tomato basil sauce,我又唔多覺有番茄味.8. $308.00o既燒排骨雞翼拼盤
雞翼有水牛城同teriyaki兩種揀,我諗IN揀o左後者.燒排骨好腍,一切即散,醬o既味道超甜,有啲過火.
雞翼都熱騰騰,呢個好啲,唔會太甜.
而IN揀o左炸薯條,
呢個同樣熱騰騰,比麥當勞o既粗啲,味道唔係只有鹽o既鹹,係好啲o既,不過太熱氣喇,我只食幾條就收手.我老公就膽粗粗要o左杯$58.00,single shot o既Jack & Coke o黎飲,話係威士忌溝可樂,我試飲,只飲到淡威士忌味,冇可樂味. (double shot要$82.00)
我,男友人IN,AY都分別要$50.00,無限refill o既可樂同雪碧.
環境:
被安排坐o係入門口最尾o個邊o既梳化椅,闊落舒適,可以自成一角,唔錯.不過最入o個邊冷氣唔多夠,我就成身汗.
4.5分
服務:
開頭都幾好o既,但朋友們分兩批o黎到,就完全冇意識要俾水佢o地,要叫至俾.
由於等男友人AY同女友人MC都等o左成個鐘,女侍應竟然同我o地講只可坐2個鐘, 一係先叫啲o野食,咁就extend俾我o地.book位o既IN 話,book位時冇講呢樣,最後我o地坐成4個半鐘都冇人催我o地走.如果佢o地有呢條規矩,應該o係book位時講明.
而我o地要o左自助沙律後,我同女友人KK出去攞,後面有個男經理可能聽到我話個碟(係我o地用餐o個種碟)咁平,裝得唔多沙律.佢就話教我o地起個樁,話用青瓜片同西瓜墊底.而我o地出到去,冇西瓜,佢就話refill o緊,refill完話俾我o地知,叫我o地再出去裝.之後佢果然冇食言,通知o左我o地.
汽水係任飲,我飲完叫佢refill,叫o左好耐至有,而原來個女侍應(佢個名係S字頭,我唔得叫咩名喇),一次過幫埋男友人IN,AY換埋佢o地o既汽水,IN o個半杯係啲冰溶晒,汽水變淡而幫佢換,醒目.
而我o地請佢幫我o地影大合照,佢影得唔差之餘,重主動叫我o地轉post,超班.
我o地食完晒o野,我就叫佢refill汽水,執o野同幫我拎蛋糕出o黎,佢都一一做到(好似好應份,但其實我叫佢之前,係叫o左另一個束馬尾o既女侍應做頭兩樣o野,但佢應完我就算,可能佢唔係主力serve呢張枱,但佢都係咪應該通知S?).
我o地叫埋單,但由於蛋糕食唔晒,S主動拎返蛋糕盒入住俾我o地拎走,佢o既服務真係好貼心.
服務分係4.3分.
價錢:
呢o度我計6個人,但唔.
抵食係2.7分
張貼
