無印良品 (已搬遷) 新店位置

不嬲都好鐘意無印良品既產品 自然又唔會多人工野 佢地既cafe當然都要大大推薦啦先試一試咖哩飯 係一個餐有埋個野菜既清湯同沙律咖哩好好食 甜甜地 唔會好似坊間既太稀 同埋有好多配菜係入面 有薯仔 紅蘿蔔 牛肉 食落好多口感至於個飯都唔簡單 係十穀米飯黎架 對腸胃同健康都相當有益 味道同健康都有 好正好正野菜湯有少少凍左 不過好多粒粒野菜 飲落係好舒服 唔會好似味精湯咁個沙律係自己揀既 除左有菜 有帆立貝 食落爽口彈牙 好好食呀！之後又叫左一個四品料理餐 包兩個熱兩個凍既食物 再加飯同湯 另外我地加左個抹茶卷蛋秋天係南瓜為主 炸南瓜薯餅 外脆內軟 入面既南瓜蓉係超級鬆化架 好得呀另外有蜜糖豬仔骨 唔會太乾 食落甜甜 好好味呀 不過得一條就少d la冷盤有菠菜沙律 同芝麻醬出奇地好夾 食落都好鮮甜 幾新鮮呀另外有一個南瓜 原來都係配芝麻醬 太多就有點悶哈哈 下次唔叫呢個了 卷蛋好食!蛋糕好spongy 空氣感十足 唔會令你好飽 d cream好輕盈 好好味