麻辣娘子 (形薈) (已結業)

作爲一個無辣不歡既人，間唔中就會去食下麻辣。最近去左筲箕灣形薈新開既【麻辣娘子】食下D都算幾正宗既川菜！佢地既食物真係8成都係辣，但可以自己選擇BB辣，小辣至大辣。我建議平時食得辣既朋友可以直接叫中或大辣。自選乾鍋：base係$38，最少叫4款餸菜，基本上所有素都係劃一價錢，但葷類會有唔同價錢。我地就叫左嫩牛肉、鮮魷、土豆同蓮藕片。分量超大、調味都好香，用左好多香料，不過食到底會有少少鹹。如果叫小辣，麻會偏多。不過土豆感覺唔係好夠爽脆，但整體都非常唔錯。霸王辣子鷄：大概有半隻鷄，用炸再乾炒既形式做。肉炸得岩岩好，裏面肉好嫩，但外面好夠脆！而且腰果都好多，呢款辣味會更少，而且唔會太鹹！黑糖桂花冰粉：冰粉唔平時食開禁軟滑，但黑糖桂花都好清新，唔會太甜。以呢個價錢黎講，整體都ok桂花茶：桂花好清香，好濃桂花味，解辣一流獼猴桃水果茉香綠茶：好清新奇異果味，而且水果都好多，絕對唔會偷工減料！水果茶quality都好高！