樂天皇朝 (已結業)

《樂天皇朝》呢個品牌做得唔錯，既有典雅裝潢及舒適環境，又有相當唔錯嘅食物品質，面最緊要就係有極強性價比，平均每道菜只約八九十元，難怪能吸引任何階層嘅食客。門口裝有半身玻璃，可近距離睇到師傅整小籠包嘅過程。招牌原味小籠包 (6pcs): 雖然有多種不同口味，但我都係鍾意食傳統原味。皮薄唔易穿，內有豐富肉汁，都算幾鮮味。揚州糟溜滑魚片: 醬汁以米酒煮成，帶微微酒香，而嫩滑魚片亦帶淡酒香，味道鮮甜，我與友人都十分喜歡。成都口水雞: 記得樂天嘅醉雞都幾好食，不過既然食過，都想試下其他。口水雞肉質算係幾滑，而雞胸都唔會乾和'鞋'口，麻辣嘅辣度屬於小辣與中辣之間，幾有麻香。檸檬蘆薈桂花蜜: 粒粒爽口蘆薈配加入檸檬、桂花及蜜糖嘅糖水，冰爽香甜，幾好食。