新昌明食店

營業中

休息中

其實已經越來越少嚟跑馬地食飯，一來泊車難搵位，二來冇乜新餐廳，唯一吸引我嘅就係呢度嘅上海排骨菜飯。新昌明在跑馬地算係中流砥柱嘅實力派，當其他餐廳飯店都冷冷清清嘅時候，新昌明裡面總係熱鬧啲，始終呢度價錢大衆化，而食物質素又唔會令人失望。今晚與朋友嚟到，我食我至愛嘅排骨菜飯，朋友就食豬手飯(加錢轉菜飯)。朋友話豬手飯個南乳汁係靈魂，豬手亦啖啖肉；我嘅排骨菜飯一貫美味，排骨味道甜甜哋又烟un，唔似一啲餐廳煮到油油膩膩，係我一百分之選！我哋嘅晚餐包埋飲品，又有電視睇，每人$62，絕對係相宜美味嘅一餐。