星巴克咖啡 (已結業)

《一日之計在於晨》尤其是是日工作有一連串的會議，當然要好好享受一個美味嘅早晨叉叉電東涌呢間Starbucks喺正東涌地鐵站外東薈城露天位置，非常就腳，每天朝早都見到好多打工仔急急腳穿梭地鐵站與巴士總站之間😀至愛Skimmed Cappuccino同Sausage Roll鍾意飲Starbucks嘅其中一個原因就係佢嘅咖啡豆比較醇得來比較正氣，唔會有酸嘅感覺佢嘅Cappuccino好滑好細膩，非常適合朝早飲小妹怕肥多數叫skimmed milk都仍然唔會減薄香醇幼滑咖啡嘅感覺我同友人都係Starbucks sausage roll嘅FansStarbucks差唔多所有food都有試過，始終最心愛嘅都係Sausage Roll有時我會嗌extra heat, 熱辣辣翻叮完出爐嗰陣香噴噴，諗起都流口水切開個腸仔捲，佢個酥皮做得好酥脆，睇到好多layers而包住嗰個腸仔餡肉係juicy架！當然唔係普通嘅腸仔，嗰啲餡肉係碎豬肉整成嘅，鹹鹹地嘅豬肉再有淡淡嘅黑椒味，一啖一啖食停唔到口好香口而家要點茄汁呀！平衡返令到唔會有咁油膩嘅感覺嘆完個美味早餐開工去，零舍精神！