潮龍清湯腩 (已結業)

估唔到傳統粉麵店會有試食，到底由細食到大既牛腩麵仲有咩好試呢？入到黎伙記已經好快安排座位，樓面得佢一個招呼客人都冇怠慢我地，仲好貼心介紹左幾款食物飲品！清湯牛腩麵用左牛坑腩，肉質幾爽，食得出係用心烹調過。而驚喜既係牛腩炸醬蘿蔔撈麵，啲牛腩仲腍過坑腩，醬汁好入味，仲要大大份，差啲食唔哂。小食叫左炸魚皮同菜心，炸魚片好新鮮完全冇漏氣，食落脆卜卜，中意浸湯食又得，好惹味。菜心都好新鮮，食咁多肉又咁濃味，食返碟菜先至健康。佢地仲有自家製既雪梨菊花茶，清潤下火冇添加，絕對值得一試。舖面唔算大但反而凸顯到人情味，價錢極親民。伙記待客有心，做到傳統麵店水準之餘又有自家產品，黎到元朗想食牛腩麵冇理由唔黎啦！