和牛燒肉‧純 (已搬遷) 新店位置

好想去食和牛🐂燒好耐，唔知邊間先至係最好食最正宗，有朋友介紹呢間銅鑼灣嘅燒和牛好好食，果然冇介紹錯！呢間和牛燒肉店賣嘅全部都係飛驒牛，品質一定有返咁上下！🙌🏻我哋order左個和牛拼盤同埋豬仔五花腩❤️要值得一提嘅係佢哋啲醬汁係非常之專業同好食，除咗有唔同嘅醬汁，亦都有岩鹽同檸檬汁！佢哋啲肉質非常鮮嫩，點小小鹽已經好好食👍🏻👍🏻👍🏻！另外個五花腩亦都好新鮮爽脆，點小小檸檬汁，一啲都唔覺得肥膩反而覺得好香口。今次呢餐和牛燒,真係非常之滿意!下次想食燒肉,真係諗都唔使諗一定要過嚟食啊！💪🏻💪🏻