焱丸水產

營業中

休息中

裝修真係好似置身於日本既磯燒店，食磯燒最重要係店內燈光，因為要睇清楚食物燒至咩程度。餐廳有售賣大吟釀，最岩三五知己飲返杯。焱丸蟹噌甲羅燒($68) / 黑松露蟹肉甲羅燒($68)，兩者燒熟後外觀上看不出分別，但食落味道就有分別，黑松露味道較突出，兩者蟹膏好濃郁。牡蠣殼燒($68/隻)，size好大隻，差唔多有個爐闊度咁長，就算燒熟後縮左少少，都仍然係大隻，熱辣辣脹卜卜咁，好爽口。麻醬蕃茄豆腐沙律($58)，日式沙律配麻醬必定要絕，蕃茄夠新鮮，而且涼涼地，夏天食就岩晒。刺身三盛($160)，帶子、三文魚、油甘魚(唔確定)，三文魚白色紋多，應該係腩部位，油甘魚爽口，帶子鮮甜肥美。北海道海鮮炒飯($78)，炒得好香，飯粒粒分明，有魷魚粒增加左煙煙韌韌口感。