影片
更多
2017-12-20
1329 瀏覽
壽司刺身食得多，今次第一次試omakase! 係橫街入邊既鮨豊，朋友十分推介omakase即係廚師發板，餐廳主廚會用當日既食材，隨心做出普通menu以外既料理，非常期待!餐廳有兩款omakase選擇，我同朋友一人點一份，一齊share黎食!同朋友坐左係門口第一張台，呢個位剛剛有一塊薄薄既竹席隔開望到入邊一台客人圍住師傅倀緊鐵板，有得睇有得食，好似好正!訪邊有一幅水墨畫，格調唔錯~餐具方面都係簡單為主，仲有熱毛巾俾你清潔用傾左一陣計，前菜就黎到，日本蘿蔔加上少少類似麵豉既物體，蘿蔔軟身又清甜!旁邊係鮟魚肝加蘿蔔蓉，厚厚既一塊，食落係鵝肝既粉狀質感，味道係同平時食開既魚春差唔多，帶微微腥味前菜之中我最鍾意准山! 醃製後爽脆黎得帶甘甜，非常好味第一set omakase到步!! 睇落賣相精緻而且豐富~先食淡身既壽司~由左至右分別係大拖羅>赤身>中拖羅拖羅點分大中小??其實都係睇佢脂肪分佈，愈近腩位脂肪愈多，顏色愈白，但同時都係最軟滑最香油脂味!!大拖羅真係入口即溶，而且油脂味十足，但真係一件起兩件止好了，食太多會膩赤身比大拖羅有反少少口感，而且比大拖羅更有魚味同甜味，夠鮮最食
壽司刺身食得多，今次第一次試omakase! 係橫街入邊既鮨豊，朋友十分推介omakase即係廚師發板，餐廳主廚會用當日既食材，隨心做出普通menu以外既料理，非常期待!
餐廳有兩款omakase選擇，我同朋友一人點一份，一齊share黎食!
同朋友坐左係門口第一張台，呢個位剛剛有一塊薄薄既竹席隔開
望到入邊一台客人圍住師傅倀緊鐵板，有得睇有得食，好似好正!
訪邊有一幅水墨畫，格調唔錯~
餐具方面都係簡單為主，仲有熱毛巾俾你清潔用
傾左一陣計，前菜就黎到，日本蘿蔔加上少少類似麵豉既物體，蘿蔔軟身又清甜!
旁邊係鮟魚肝加蘿蔔蓉，厚厚既一塊，食落係鵝肝既粉狀質感，味道係同平時食開既魚春差唔多，帶微微腥味
前菜之中我最鍾意准山! 醃製後爽脆黎得帶甘甜，非常好味
第一set omakase到步!! 睇落賣相精緻而且豐富~
先食淡身既壽司~由左至右分別係大拖羅>赤身>中拖羅
拖羅點分大中小??其實都係睇佢脂肪分佈，愈近腩位脂肪愈多，顏色愈白，但同時都係最軟滑最香油脂味!!
大拖羅真係入口即溶，而且油脂味十足，但真係一件起兩件止好了，食太多會膩
赤身比大拖羅有反少少口感，而且比大拖羅更有魚味同甜味，夠鮮
最食中拖羅感覺佚係大拖羅同赤身既mix
但油香，同魚既鮮甜都唔夠原來既大拖羅同赤身濃，真係中中間間
另外有牡丹蝦同海膽蝦丸!
牡丹蝦既蝦子原來係綠色!今次第一次見
我覺得牡丹蝦同甜蝦一樣甜，但質感唔會好似甜蝦咁粉軟，有返少少口感
海膽蝦丸入邊真係流海膽蝦丸蝦味濃而且夠甜，但口感唔太彈牙
配埋唔腥唔苦既海膽一齊食，兩種甜味好match
三款海鮮丼入邊我最鍾意都係海膽丼!因為我鍾意食海膽
海膽+紫菜+白飯，白飯加紫菜本身既經香口好食，再加埋鮮甜既海膽，最正!!
黑鮪魚腩蓉丼
食完海膽味道濃，飲少少熱茶清下再試!
雖然係黑鮪魚，但始終用魚腩部份，魚味唔太重
都係油脂味為主，加上攪碎左，入口即溶
配飯食都有微微魚甜味
三文魚子丼!
三文魚子本身味道足，一粒一粒入口卜卜脆
爆汁既口感好正
但因為本身三文魚子，而且餐廳又放好多，d飯唔夠我送魚子，淨食有d咸
另一set 10件壽司，點知師傅俾左11件，大發!!!
先講玉子壽司，食落成舊蛋糕咁，質感厚實之餘蛋濃而且夠香甜，好有趣
旁邊既左口邊魚，amazing!!!本以為佢似墨魚咁有咬口又有韌性，點知佢入口即溶
魚肉香腍，油脂味足又魚味重，第一次食呢隻魚!
海膽旁邊既係鯖魚，諗住同平時食既咁腥，點知一啲都唔腥，而且超甜又濃魚味果然新鮮野係特別唔同啲。
另一款喜之刺，我就未聽過食過，食落魚味唔太濃，肉質一般。
左至右:
拖羅>金龍雕>池魚>釣池>花竹蝦>雕魚
金龍雕同池魚味道淡，釣池同雕魚味道更鮮更濃更好味
花竹蝦肉質夠爽，雖然係煮熟左，但鮮味依然。
食得太多，已經食唔到太多唔同既味道，但全部都係一個字，鮮甜
拖羅手卷
高級日式料理餐廳果然唔同啲!個底有多一塊紫菜包住，點食都唔會跌出黎
雕魚湯非常奶白，飲落又奶又香，而且材料十足，真係好鮮既魚湯
聽講做omakase既呢啲湯碗，每套都成萬蚊!
食飽飽仲有甜品! 日本蜜瓜超正!平時食既都係爽口又甜，但呢個蜜瓜又香又腍超級多汁聽講用wrisky浸過既蜜瓜特別甜，唔知餐廳既有無浸過呢~
抹茶布甸係超滑，而且抹茶味適中，上邊仲有放金箔，high class
甜而不膩愈食愈想食價錢雖然貴，但一年一次絕對值得
張貼
