鳴門魚市場居酒屋 (已結業)

Item: 鳴門魚市場居酒屋
Rating: 4
Author: 奧志雷

NARUTO UO ICHIBA IZAKAYA

181 食評

味道

環境

服務

衛生

抵食

6171

旺角

$201-400

日本菜

133

奧志雷

等級4

2.1K

親愛的想食日本菜，上網找到鳴門最近最方便，就您啦 ﹗先來枝清酒暖暖身再食大餐，種類也不是，想飲燒酌常樂秋，剛剛賣晒囉，唯有飲原酒谷櫻。

大部份都係中價清酒喎。奄尖的我食日本菜一定要依次序由前菜開始，刺生、壽司、料理、炸物、鍋物，最後才粥粉麵飯架。非常有趣，火灸 A5 和牛壽司？創新煮法？針灸？

包羅萬有，花多眼亂的菜色，貪吃的我樣樣都想食，不過親愛的食量遙不及我，慢慢續款落單免得浪費啊。餐牌上顯示連金魚壽司都有？利害﹗梗係要試啦！望多次英文係 yellow tail ？油甘魚黎既。特大鴛鴦海膽飯暫停？本是我的目標菜色，無緣品嚐。

谷櫻釀造原酒，清爽酒香，微甜不膩，醇厚不嗆。吉時到，希望與親愛的幸福甜蜜，乾杯飲勝！食飽飽等埋單就回家休息，無聊期間望望資料八卦下。國產米米麴，酒精 20% 濃度喎，已經兩歲喇。

鮟鱇魚肝醋物，我最愛的小食，必叫。得兩片乍？唔夠喉囉。本身我唔食蔥，但刺生、壽司除外。日本蔥高質香噴噴夾著昆布及蘿蔔蓉一齊嘆，帶著油潤魚肝掉入口，味道配合得天衣無縫。酸咪咪的醋汁尤其醒胃，嫩滑魚肝甘甜濃郁沒半點腥嗅，好食到拍爛手掌。

燒日本鱈魚乾，突然侍應哥哥贈送助酒小食，真的受寵若驚，十分感謝呢。微微烤過翻熱的魚乾嚥韌，咸咸甜甜的，配上我地支靚清酒回味無窮。

漬物併盤，酸酸甜甜的醃蘿蔔，滑嘟嘟帶點腍又帶少少爽，甜味濃而散發淺淺的酸味。還有牛蒡漬，脆卜卜醬汁味突出不過火，醒神醒胃。香辣蒜頭？不似漬物類喎，只不過提跟甜辣醬撈在一起，爽爽粉粉的蒜頭，外面充滿香辣味道，滲出辛甜汁液，食得過癮。

漁市場刺身併盤，非常季節性，所以有機會每次配搭都不一樣。勘八、梭子、鯖魚、三文魚、日本生蠔、赤海蝦，好期待啊﹗何解食高質刺生都只得泥膠 wasabi 呢，無新鮮即磨的嗎？鮮味芳香差天共地喎。

日本生蠔，優先處決 ﹗洒上檸檬汁立刻整隻啪入口，親愛的連檸汁都不用，要食其原汁原味純天然無添加，勁呀﹗日本生蠔品種味道都差不多，淡淡然的蠔味及海水咸味，微爽清新，平凡風味。

勘八，似油金魚亦似鰤魚，極為油潤軟棉嫩滑，甜味強而有力，好野黎喎。鯖魚，燒就食得多，變成非常有趣的刺生﹗連皮食黏滑帶點爽，深紅色魚肉襯深灰黑魚皮，魚味濃滲出微弱魚脂甘甜，雖然其貌不揚，不過好有內涵。

梭子，又稱海狼，肥美的白肉魚，魚油豐富，質地結實彈彈，其中一種我最愛的原條魚刺生。三文魚，綿綿滑滑散發陣陣香甜，沒什麼特別。赤海蝦，不能跟牡丹蝦相比，都夠爽夠彈，不過蝦甜味稍削。最後來兩片最愛的櫻桃蘿蔔薄切清清味蕾，為下一道菜作出準備。

水母刺身，冰凍沒味道，半透明脆卜卜的水母，沾上果醋掉到舌尖，酸咪咪十分開胃，一咬爆汁水潤，好舒服好得意。活赤貝，即叫即劏見得到的新鮮。只有 4 小條啊，點夠喉呢。黏滑的表面，趙落爽彈嬌嫩，貝肉甜味非凡，食多幾隻都唔夠啦。

吞拿魚腩大，大拖羅 4 片約 $50 片物有所值。嫩嫩鮮紅色，未到純淺粉紅色，超甜油潤，不過好多筋，只達中拖羅質素，幸好依然好味道，食得過。頂級特上大拖羅超油潤反光立立令，食開就約 $100 蚊片左右，一分錢一分貨。

軟殼蟹手卷，驚喜萬分 ﹗將大大碌原條皇帝蟹棒跟青瓜沙律塞晒入手卷裡面，落重本加足料。冰火的演繹手法，蟹子青瓜絲搭上沙律醬涼浸浸，撞上熱騰騰新鮮出爐鬆脆軟殼蟹，精采的反差溫度與味覺。金黃香口軟殼蟹，蟹肉鮮甜，味道質感比其他餐廳更豐富更細膩，非讚不可。最敝紫菜已經變腍變韌，不香脆不乾爽，飯太濕使到紫菜腍得特別快，差少少就完美喇。

油甘魚壽司，雖然餐牌上寫住油金魚，不過都知道那會有金魚食呢，娛樂一下罷了。我愛油甘魚比三文魚更甚，淡紅油潤立立令的色，一跣落口香醇甜美嫩滑非常，餘香久久不散，原全淘醉於其美味之中。可狠的夀司飯大大舊，濕淋淋腍劈劈不喜歡，質感飯香都非常差呢。

蒲燒鰻魚，竟然不到 1 分鐘就送上，應該不會是即食乾硬鞋腥鰻魚掛？膽粗粗用筷子一按，發現完全陷入其中，觸感超級鬆軟如鮮嫩魚肉一樣，急不及待大大舊掉到舌上打滾，香噴噴又非常燙嘴，越熱越好味﹗鰻魚醬清爽不咸不濁，芬芳醒神，幫鰻魚錦上添花而又不蓋過她的鮮肉味道，皮脆肉香，肥美嫩嫩油潤，驚嘆的味覺享受，忍不住食多兩啖。

海膽白之戀丼，即是三文魚子帶子海膽丼，撈上芥辣豉油立刻處理。海膽冰凍鮮甜，彈滑完整有著輕微腥腥餘韻，還可以的。帶子必甜無疑，綿滑美味無可挑剔。混上芥辣豉油大量海膽帶子搭少少飯塞入嘴仔，無比幸福滿足。

再下一成，加點創意。涼浸浸大量海膽帶子搭上熱燙燙醬燒鰻魚，梗係要加埋芥辣豉油撈飯齊齊食啦 ﹗甜美鰻魚連海膽腥味都被消去，完美無暇全壘打，天上的味道，滿分滿分。

火炙 A5 和牛壽司，師傅有無搞錯左呢？全熟牛肉片捲住成碗飯，我要壽司唔係飯團喎。而且等左好耐好耐，莫非因為解凍解到煮熟左，所以轉飯團嗎？和牛包飯？生蛋豉油汁？和牛火鍋？想點呢，搞咩呀？

和牛已達 9 成熟，好采依然保持滑溜，不鞋不乾不硬，軟綿綿油脂豐富，不過牛味略淡，中規中矩。無提供刀叉，用筷子又夾唔起，唔想用手成碌拿起食，唯有跣落隻碟仔度，將所有生蛋醬油倒下吧﹗我實在太衝動，咸味太過濃烈，有點吃不消的感覺咯，加點白飯比我好嗎？

雞中翼串燒，竟然有醃過，有誠意並不是馬虎散點海鹽就算。醃味吸引可口，燒得皮脆肉嫩，還有肉汁輕滲，高質表現。汁燒厚牛舌，厚薄適中大大塊，牛味香濃不羶，醃味得宜可口，少少彈少少爽，真心好味道。鮮雞腎，爽脆無敵，不硬不老，雞味突出，雞汁澎湃，勁有添食的慾望﹗

沖繩阿古黑豚，串燒五花腩一樣，肥膏膠黏一咬出油，膩滯感強烈，落味偏咸，重手一點點。油油咸咸腩肉不如試試搭剛才生蛋豉油撈飯，竟然好食多了，味道剛剛好，感覺暢快，全部清晒。

沖繩生啤，大大啖倒落肚，透心涼爽到震呀 ﹗清酒轉眼剩一小杯乍，當然留給親愛的品嚐，我轉飲啤酒啦。只得一款生啤供應，我一直鍾情日本啤酒，朝日及麒麟都係我杯酒。