白宮咖啡室 (已結業)

之前經過已經好想試，舖面用落地玻璃，可以望到入面部分座位同設備。日抖有陽光果陣，都幾悠閑。今次我地去左食晚餐，因為book左位，所以唔使等位。我地叫左個3小時慢煮紐西蘭西冷扒(500g)連薯條同明太子三文魚籽煙三文魚意粉既dinner set。明太子三文魚籽煙三文魚意粉好creamy，熱食超好味，超多明太子😍😍意粉份量足夠2個女仔share食。3小時慢煮紐西蘭西冷扒(500g)連薯條。塊牛排超正！碟上大概都有7成熟，切開嫩紅色，冇血流出黎，扒身勁厚，沾小小芥末醬超美味。薯條都係係厚切，條條都肥肥地漲卜卜，有少少幼鹽係面，食落唔會太咸，最岩我哩啲薯條殺手！最正係杯野飲。味道好之餘賣相勁讚！只要係熱飲（咖啡/朱古力系列）就可以㨂你想要既圖案。迪士尼系列、marvel logo系列，連櫻木花道都有！仲有好多款特色野飲，下次再試。成餐飯每人大約一百蚊左右，坐左好耐，好舒服。