影片
更多
2011-08-26
319 瀏覽
差不多 2 個月前, 同女友既 12 週年紀念日, 食左一餐法國菜, 果陣覺得自己食野豪左~今次, 係我第一次以未婚夫既身份, 同兼任未婚妻既女友賀壽, 一定要隆重其事!! 所以選擇左女友好想試, 但又唔捨得食既 ------ 日式鐵板燒(以上全部都係藉口黎既, 其實係自己好想食囉 )就係呢餐飯, 令我發現原來自己食野可以更豪........... 一早訂左位, 準時到達既我地, 被安排坐響其中 1 張 6 人枱既鐵板正前方.我地選擇左有龍蝦, 鮑魚, 鵝肝, 澳洲薄牛扒既 2 人套餐. 得知牛扒可以upgrade, 我地就加左 $5xx 將 "澳洲薄牛扒" 轉做 "日本 A5 霜降和牛扒"~今次係我人生中第一次食 A5 和牛, 好期待又好興奮!! 負責serve 我地既師傅好後生, 講野幾搞笑~ 仲好型添呀!! (最尾呢句係女友講既, 完全當我無到囉!! )望住型仔師傅不停表演 ----- 將食材整理, 煮熟, 切件, 再直接分配到每人面前既碟上~食鐵板燒就係有呢樣好, 可以睇住成個烹調過程, 我地等食果陣, 就好似睇住一件藝術品誕生咁,呀師傅會同客人交流, 我地有得睇又有得食, 整
今次, 係我第一次以未婚夫既身份, 同兼任未婚妻既女友賀壽, 一定要隆重其事!!
所以選擇左女友好想試, 但又唔捨得食既 ------ 日式鐵板燒
(以上全部都係藉口黎既, 其實係自己好想食囉 )
就係呢餐飯, 令我發現原來自己食野可以更豪...........
一早訂左位, 準時到達既我地, 被安排坐響其中 1 張 6 人枱既鐵板正前方.
我地選擇左有龍蝦, 鮑魚, 鵝肝, 澳洲薄牛扒既 2 人套餐.
得知牛扒可以upgrade, 我地就加左 $5xx 將 "澳洲薄牛扒" 轉做 "日本 A5 霜降和牛扒"~
今次係我人生中第一次食 A5 和牛, 好期待又好興奮!!
負責serve 我地既師傅好後生, 講野幾搞笑~ 仲好型添呀!! (最尾呢句係女友講既, 完全當我無到囉!! )
望住型仔師傅不停表演 ----- 將食材整理, 煮熟, 切件, 再直接分配到每人面前既碟上~
食鐵板燒就係有呢樣好, 可以睇住成個烹調過程, 我地等食果陣, 就好似睇住一件藝術品誕生咁,
呀師傅會同客人交流, 我地有得睇又有得食, 整餐飯既氣氛都好好, 我同女友都食得好開心~
食物質素方面我地都滿意, 不過, 始終我地未食過日式鐵板燒, 未能與其他同類食店作比較.
女友話 3 個月後到我生日果陣, 請我再黎呢度食野 wor~
型仔師傅咁得意, 希望下次可以再由你 serve 我地啦!!
張貼
