Cafe Paradise (已結業)

早幾年食過太子嘅Cafe paradise都幾好食, 原來長沙灣都有一間，就黎試下。一入去就俾好大隻熊啤啤吸引住，佢坐係張大枱既座位上忍唔住影咗佢幾張相，之後個店員見我咁鐘意隻啤啤，喺我地坐低左之後拎左佢過黎，坐喺我隔離啲店員真係好nice 第二小驚喜係一打開個餐牌有個立體圖案彈出黎。餐牌嘅價錢唔算貴，有得叫set，不過我地兩個揀唔岩，最後散叫左兩個小食，兩個主食，同叫左一壺花茶。香辣蜆肉炒意粉，食落好香口，蜆肉都幾多，意粉係比較硬身，友人麻麻，不過我就幾鐘意啦，同埋少少辣好開胃。芝士焗扇貝，有少少唔夠味，如果芝士可以再多啲就更好車打芝士肉醬焗薯國，我鍾意呢個，肉醬同埋芝士都好濃郁，食下一條食下一條不知不覺食晒成碟最後嚟咗個花茶，食到咁飽消下滯，水蜜桃花茶，飲到中段少少酸酸地幾消滯，而且可以加水沖多幾round 最後上埋個水蜜桃花茶，食到咁飽飲個花茶消下滯。成晚佢就係坐我隔離啦，店員仲好主動幫我地影相