祇月 (已結業)

之前見報紙介紹過呢間餐廳，話係政府保育文物的計劃之一，見D相都幾靚又新開，所以就帶女朋友去食晚餐。以為同其他中餐廳差唔多。點知入到去，個格調都幾Grand下，突然間覺得好高級，好在果日自己都唔係著得好差，如果唔係就失禮。一入度去，服務員就帶我們坐在餐廳的最入面。D燈光好暗，地下投射住一個月亮的倒影，都幾浪漫。坐低叫左個茶。打開個menu發現都幾多選擇，揀左一陣，最後叫左個醉雞、水煮羊和一個黃金四季豆。(價錢唔算話真係好貴，但係因為女朋友唔係好食野，所以叫少D穩鎮)等左一陣黎左個醉雞。哇，都唔少個喎，比起其他地方食o既多好多。份量一D都唔似係前菜，感覺都幾好，D雞好入味好香。到個水煮羊，由於小弟都幾鐘意食羊尤其係辣，所以食落都津津有味。除左唔show之外，辣的份量仲o岩o岩好，唔會太過油。正!!!!! 至於個四季豆就幾特別，用左咸蛋炒，味道好新鮮，齒頰留香。總括黎講都幾正，D野真係幾好食，環境好有氣氛。望住投影機投射出黎的和昌大押舊面貌同埋餐廳收藏的一些建築文物，一路食一路回味，個感覺簡直一絕。不過小弟唔係好有錢，所以得閒去下都無乜問題o既。