三寶勝上海美食

營業中

休息中

去舊式上海舖食舊式上海菜，味道一般不過風味搭夠，叫咗三樣嘢食，味道都係偏甜，不過係收貨嘅。小籠包一龍五粒自己有師傅整算係咁啦，小籠包快皮偏薄所以好容易穿，我哋五粒就穿咗兩粒。上海粗炒麵係經典上海小館嘅菜式，梗係要試一下啦，呢個最甜，好彩畀想像中少油，個粗麵同啲配料味道同新鮮度都合格嘅。油豆腐粉絲湯中規中矩啦，唔好妄想係以前嘅油豆腐甚至乎有百葉，依家全部都係豆腐卜代替，個湯唔係好鹹所以我覺得都ok。反而個豆漿幾好飲，我幾鍾意。