金鳳大餐廳 (山林道)

營業中

休息中

今日提早收工可以同老公去尖沙咀行，行行下就去左佐敦附近，見到金鳳都好耐冇食，天氣又有啲涼，不如去食個熱辣辣嘅鐵板啦。入到餐廳見到依嫁主打推介緊四款美國牛扒餐，我就點左個美國牛小排餐試試。老公就點左之前食過嘅牛柳餐。金鳳靈魂一定係加蒜蓉!!!點完餐無耐店員就先上左兩碗熱辣辣既紅白湯同餐包，上菜好快手。美國牛小排份量都幾多，牛味比較重，完全冇筋位，叫5成熟就剛剛好，食既時候記得要加埋啲蒜蓉勁香，一咬落去肉汁保存到又完全唔會靭。牛柳餐就一如既往保持到水準。牛味雖然冇美國牛小排咁重，但勝在肉質鮮嫩食落冇筋，而且呢個份量絕對對得住個價錢，真心平靚正。去得舊式扒房，飲品方面加錢都要叫紅豆冰啦。佢嘅紅豆冰唔算太甜，仲要粒粒紅豆推介大家去試吓。