義香荳腐食品

營業中

休息中

舊式豆製品店，諗得出嘅豆製品樣樣都有得買！豆腐、豆腐花、豆漿、支竹、豆卜、腐乳，另外仲有涼粉、大菜糕、煎炸三寶...黑豆漿溝涼粉-黑豆漿好香豆味，少甜。唔會飲完覺得有糖精成啖痰係口咁。涼粉新鮮仲有d微暖，涼粉草味道適中，唔會太苦澀。炸三寶（炸雲吞、素雞、釀豆卜）-炸雲吞麻麻，好似食炸雲吞皮，內餡嘅釀魚肉比較少。素雞幾好，豆香濃郁！釀豆卜嘅魚肉同豆卜比例剛剛好👍🏻總括🔸性價比ok，但因為舊式老店，店內嘅姨姨們都比較大聲豪邁，追求環境服務嘅就未必適合。