鴻運茶餐廳

營業中

休息中

新市鎮，係香港其中一個引以為傲的城市規劃成就。而沙田就係香港一眾新市鎮的典範。不過，新市鎮城市規劃的背後，即係一個個的商場＋住宅獨立發展項目，要入去搵食，就要將車泊埋入去個停車場。對於我呢一些愛即興搵嘢食的司機，在新市鎮比較冇啖好食。而沙田可以方便停車又多食肆的地方，亦只有火炭、大圍及沙田圍。今日，就到了大圍搵食。其實之前都幫趁過鴻運茶餐廳 ，因為鍾意佢個麵，今日再來幫趁。星期日的下午，小店內外都坐滿人，我點了午餐火腿奄列，外脆內富蛋漿，控制得剛剛好 榨菜肉絲麵。勁鍾意個麵的質地。同樣的口感，只在舊舊公司對面間茶記的早餐才有，估唔到在大圍可以重遇。個麵的質地煮得透，少少腍，索哂個湯，LIKE!個午餐盛惠$26乾炒豬排意。盛惠$34，唔包飲品。好多豬排，算OK啦。整體來說，如斯環境，係偏貴的。不過食物品質都算OK，又方便泊車，行過會再來。後話，飲完杯凍奶茶，竟然見杯底內有兩粒檸檬核同侍應亞姐反映，佢收咗個杯就算，道歉都冇。不過埋單時就收少杯凍飲錢，就算數啦。可能真係如佢所講，切檸檬時有核趺落冰......