蛇王兄 (已搬遷) 新店位置

搬左新舖第一次幫襯，新舖感覺新淨、乾淨，地方大啲、冷氣勁啲、裝修企理啲。都推出左唔少新菜色喎，相當吸引 ﹗仲有蛇宴提供，我好有興趣，但要集齊 1 圍呢。細蛇羮，暖暖地乍？要熱辣辣先好食架喎。質地好杰好漿，冬菇、木耳、蛇肉作配料，硬係少左啲野咁，味道好平淡，感覺比以前差左。細龜湯，點解味道同我阿媽煲既粉葛湯一模一樣架？質地好杰，同粉葛湯一樣，怪怪的。閒日晏晝依個時侯得小貓三四隻，點知有兩個大陸婆帶住兩個細路走入黎幫襯，起初問各項價錢，我心諗 menu 同牆度咪寫晒係度囉，唔識字架？之後連問幾次湯同羮有咩分別？咩係蛇羮？咩係蛇湯？您地返祖國啦 ﹗鬼殺咁嘈，自己屋企呀？最後叫左兩個 A 餐再加多個糯米飯，似乎您地老公都搵到吓錢喎，恭喜恭喜 ﹗