影片
更多
2024-11-21
0 瀏覽
位於西灣河嘅 Bistro East，裝修簡約燈光柔和，雖然餐廳位置唔近地鐵站，但正因為咁而感受到一種悠閒同舒適嘅氣氛，有歐洲小酒館嗰種chill vibe，適合同朋友傾偈或者同另一半放鬆嘅地方🍻。🐮生牛肉他他配薯條 Steak Tartare with fries ($208)呢個生牛肉他他份量十足，唔會有腥味，口感似吞拿魚蓉。調味非常之得宜，有微微嘅辛辣味。配埋脆口嘅烤麵包，一啖咬落去好滿足！🪿香煎鵝肝配牛油包 Foie Gras with figs & milk brioche ($168)鵝肝可以話係呢度嘅一個亮點✨！質感滑溜入口即化，新鮮無花果中和咗鵝肝所帶嚟嘅肥膩感，果香同鵝肝嗰種濃郁味道互相襯托真係好正。底下嗰啲烤麵包再吸埋鵝肝嘅油脂，每一啖都係享受。🐽美式燒烤醬肋骨配薯條 BBQ Pork Ribs with fries ($228)烤肋骨賣相都好吸引，外層嗰層燒烤醬香甜，火候剛剛好有鎖住肉汁🔥。配上大量熱辣辣嘅薯條食到好飽好飽。🍰提拉米蘇 Tiramisu ($88)Tiramisu可以話係餐後甜品嘅完美選擇！睇住店員由一個大碗潷出嚟，好有feel🤣！我最鍾意係佢甜而
位於西灣河嘅 Bistro East，裝修簡約燈光柔和，雖然餐廳位置唔近地鐵站，但正因為咁而感受到一種悠閒同舒適嘅氣氛，有歐洲小酒館嗰種chill vibe，適合同朋友傾偈或者同另一半放鬆嘅地方🍻。
🐮生牛肉他他配薯條 Steak Tartare with fries ($208)
呢個生牛肉他他份量十足，唔會有腥味，口感似吞拿魚蓉。調味非常之得宜，有微微嘅辛辣味。配埋脆口嘅烤麵包，一啖咬落去好滿足！
🪿香煎鵝肝配牛油包 Foie Gras with figs & milk brioche ($168)
鵝肝可以話係呢度嘅一個亮點✨！質感滑溜入口即化，新鮮無花果中和咗鵝肝所帶嚟嘅肥膩感，果香同鵝肝嗰種濃郁味道互相襯托真係好正。底下嗰啲烤麵包再吸埋鵝肝嘅油脂，每一啖都係享受。
🐽美式燒烤醬肋骨配薯條 BBQ Pork Ribs with fries ($228)
烤肋骨賣相都好吸引，外層嗰層燒烤醬香甜，火候剛剛好有鎖住肉汁🔥。配上大量熱辣辣嘅薯條食到好飽好飽。
🍰提拉米蘇 Tiramisu ($88)
Tiramisu可以話係餐後甜品嘅完美選擇！睇住店員由一個大碗潷出嚟，好有feel🤣！我最鍾意係佢甜而不膩，夾住濃郁嘅咖啡香同淡淡嘅可可粉。呢道係會令我回頭再嚟嘅一道甜品。
☁️☁️☁️
服務方面，呢度嘅服務員都好nice，會問下對餐點嘅評價，整體來講食得幾開心同舒服。
順帶一提呢間係寵物友善餐廳嚟嫁，有時候散完步嚟chill下都唔錯😙。
張貼
