Felicita 1929 (已結業)

朋友生日，一早訂定。當晚落好大雨，而且室內冷氣好凍。我地請個中年短髮眼鏡女店員幫我地較返細個冷氣，你估下佢同我講咩？居然同我地講：「你地啲客唔好呢枱又同我講凍、果枱又同我講熱啦！坐一陣就唔凍架啦。」我地成枱人即刻唔敢再滾搞佢。西式的食物賣相都幾吸引，尤其係個steak，但係實在太貴啦。另外個小食薯皮都好似好好味咁。Steak食落幾有肉味，肉汁豐富。個肉上面既格紋好好睇，但四周的伴菜好似唔夠多，有少少似俾人食過咁。小食薯皮表皮都夠脆，入面的餡好乾，除左薯仔味之外好似試唔出其他野的味道，例如芝士。意大利飯估唔到地咁好食，個黑松露味幾突出，而且飯粒粒粒分明。不過，飯入面的配料太細啦，切大粒啲會俾客人多一重的額外的口感。可以提議俾返個主題佢，例如海鮮呀、雜菌呀等等。好奇怪，所謂既自製意大利雪糕相當奇怪同難食。第一，我真係未食過雪糕係唔凍的。第二，我同我朋友係完全食唔出呢一個係咩味的雪糕。佢咬落甜甜，唔凍，好似一堆有味的粉。真係似粉糖多過雪糕，請問如何意大利呢？