Be Leaf (已結業)

今日同朋友黎到觀塘行街，晏就去咗依間be leaf食lunch。環境好靚，裝飾得好優雅，打卡一流~ Lunch加$18可以升級做午市套餐，包是日餐湯、餐包、茶。香辣白酒牛油炒手折蟹肉珍珠柱貝意麵，意粉非常香滑，少少辣，白酒味唔太特別濃，蟹肉同柱貝份量豐富，啖啖都食到滿滿嘅蟹肉。蒜香麻辣滕椒雞配日本珍珠飯，雞肉非常嫩滑，麻辣滕椒令味道升華，唔會太辣，珍珠飯粒粒分明飽滿。餐湯係蘑菇湯，非常香濃，同餐包好夾。飲品方面，我地加錢升級咗，焦糖餅咖啡，焦糖控真係要必點，將焦糖餅溶落去，散發出陣陣焦香味。另一杯ocean paradise係薄荷檸檬梳打，清新之餘，好啱打卡！