影片
更多
2024-11-12
470 瀏覽
而家係大圍黎講，圍方絕對係大家黎過都唔會錯過既地標之一，之前仲會係車站外食個靚飯再租單車，而家商場入面都一堆平靚正😍😍Combo for 2 二人套餐😋😋馬來特色炸豆腐豆腐係用實豆腐，咬落有口感，而佢既特色之處就係佢既醬汁，味道似係食串燒個啲沙嗲汁，都幾得意，甜甜地😋炸蝦多士依個唔係套餐入面，因為一見到就好想食🤪麵包炸得香口得黎唔係乾哂，上面既蝦肉好鮮甜彈牙，無叫錯🥳文華海南雞飯（必食推介）佢地既海南雞飯水準係穩定同出色既，我地都算係食過三四次唔同分店，一如既往，雞肉香滑，雞皮爽口，皮肉中間有啫喱，無得彈👍香炒河粉燴牛肉依個未食過，牛肉唔柴份量亦多，河粉係香口既，大大片既能掛汁又好有口感，醬汁偏向豉油咸香感覺，推薦俾重口味同好者😆蠔油小棠菜小棠菜真係無乜特別，因為菜類煮得剛剛好係基本，爽甜佢地絕對做到無問題👍
Combo for 2 二人套餐😋😋
馬來特色炸豆腐
豆腐係用實豆腐，咬落有口感，而佢既特色之處就係佢既醬汁，味道似係食串燒個啲沙嗲汁，都幾得意，甜甜地😋
炸蝦多士
依個唔係套餐入面，因為一見到就好想食🤪麵包炸得香口得黎唔係乾哂，上面既蝦肉好鮮甜彈牙，無叫錯🥳
文華海南雞飯（必食推介）
佢地既海南雞飯水準係穩定同出色既，我地都算係食過三四次唔同分店，一如既往，雞肉香滑，雞皮爽口，皮肉中間有啫喱，無得彈👍
香炒河粉燴牛肉
依個未食過，牛肉唔柴份量亦多，河粉係香口既，大大片既能掛汁又好有口感，醬汁偏向豉油咸香感覺，推薦俾重口味同好者😆
蠔油小棠菜
小棠菜真係無乜特別，因為菜類煮得剛剛好係基本，爽甜佢地絕對做到無問題👍
張貼
