東京築地拉麵 (已結業)

今日嚟到位於旺角雅蘭中心地庫嘅東京築地拉麵落到地庫估唔到佢嘅裝修都幾靚同埋幾闊落即使加咗版隔開，都唔會覺得好逼夾枱同椅擺得好闊落同以往去開嘅拉麵店好唔同坐得好舒服呢間餐廳除咗拉麵之外，仲主打沾麵同丼飯價錢都非常之合理呢個味自慢叉燒拉麵湯底係豬骨濃湯除咗叉燒之外仲會有半邊糖心蛋叉燒大嚿得嘅驚人叉燒嘅肉同肥膏好似層層疊咁夾住食落口香油溶化另外叫咗個爐端厚燒鰻魚丼上菜嘅時候好靚咁用個蓋蓋好個飯一打開嘅時候就聞到浸浸嘅鰻魚香味鰻魚吸收晒鰻魚汁，相當入味用白飯配撘鰻魚加鰻魚汁入口好味日式煎餃子🥟賣相亦都唔錯仲保存左好多肉汁喺餃子入邊飲品就叫咗日式柚子冰同埋蘆薈提子梳打冰兩杯都唔會過甜同埋唔會有色素糖水味如果想坐得舒舒服服咁食餐飯呢度絕對係一個好嘅推介