壹壹漁一 (已結業)

去市集開會之前食個lunch， Partner介紹來食，係Dorsett 酒店2樓。午飯時間都唔少人，有媽媽帶住小朋友同工人姐姐黎食，亦有朋友黎食。午餐幾多選擇，有日式有西式，我揀左火炙魚生飯包埋3式前菜，沙律，湯和飲品。前菜有巨峰提子味車厘茄，去皮車厘茄酸酸甜甜又多汁好開胃。黑松露雞蛋卷香滑可口。沙律有羽衣甘藍，紫椰菜粟米粒等等蔬果好新鮮加埋酸甜醬汁忌廉薯仔湯香滑濃郁幾好味。火炙魚生飯擺盤有心機，醬汁係帶有wasabi 味既唔使額外再點wasabi，有三文魚，帶子，鰻魚，經火炙後增添左焦香。仲有有炸牛蒡，芝麻，水蘿蔔等等配菜加埋一齊清新又香口。提供口罩袋夠貼心。環境幾舒適安靜見到晚餐有sabusabu好似都幾好，下次可以帶埋大帝黎試下。