Hugo Le Resto Grill (已結業)

好味指數：🌟⭐️⭐️抵食指數：🤑🤑🤑銅鑼灣揀餐廳食飯除咗諗食咩仲要諗坐得舒唔舒服，我自己唔太鍾意坐得逼又有strict嘅用餐時間，而呢間餐廳就喺SOGO附近，但空間夠大又唔會點趕人走，而且除咗主食仲可以揀埋自助沙律吧，適合想飽餐一頓又想食啲菜健康啲嘅朋友✅美國頂級牛腹肉扒熱辣辣新鮮上菜，擺上台嗰陣仲有熱氣出，同埋插住支美國旗有種食兒童餐嘅感覺😂好得意叫咗medium，連埋鐵板上到嚟其實已經去到medium well，而且下邊有小蠟燭保溫所以要注意火候，食落幾香牛肉味，肉質有咬口，唔韌亦無乜筋，同佢個Gravy做得幾濃郁，同佢嘅牛扒好夾；薯條都係新鮮炸起，同係我鍾意嘅粗薯條