生昌焙豆

營業中

休息中

朋友介紹話嚟呢度飲咖啡，佢話呢度淨係可以飲咖啡，冇其他嘢食，所以做到好專注。黎到舖頭門前，俾佢部炒豆機吸引咗，好靚！咖啡嘅味道香到成間鋪出邊都聞到！再上網睇，原來佢哋係做批發嘅舖頭，入邊嘅裝修好日式，令人舒服嘅感覺。我哋聖誕節期間去都好多人，但係唔算迫，大家都係買咗咖啡之後輕輕坐一陣就離開。咖啡方便，有好多唔同嘅選擇，有齋啡當然亦都有奶啡選擇。我揀咗Dirty，因為佢嗰個奶味好重，但係豆味亦都好出，所以下次經過都要再飲。另外佢呢度有好多唔同咖啡嘅產品購買，最特別係我見到有咖啡酒，仲要唔係奶base! 店主仲俾咗啲我試吓，佢話加冰直飲係佢嘅飲法，又真係幾好味！所以我都買咗兩支返屋企😎