鉄人大盛 (已結業)

『鐵人大盛』號稱全港第一間鐵板燒放題，因此點都要試吓吖。最初以為鐵板燒就係鐵板燒，没有其他嘢吃，但原來唔係，除咗唔使自己燒之餘，仲有日式放題必定有嘅嘢，例如刺身，壽司，卷物，炸物，熟食，飲品，甜品等等……呢日送嘅係大大隻嘅生蠔4隻，飽满新鮮，有濃郁海水味，由呢個開啟了以下嘅美味之旅。燒牛油元貝，好味又邪惡，忍唔住又叫多轉鵝肝多士，鵝肝入口即溶，多士香脆可口，好配搭。好似叫多咗2轉燒蠔亦同樣冇得頂，必定要encore。刺身新鮮，仲有擺碟勁靚，唔係好捨得吃落肚。燒菠蘿够甜，够juicy.好高質嘅一餐