影片
更多
2021-12-09
466 瀏覽
最近又有新餐廳「Poke Love」登陸般咸道，今次係食近嚟大熱嘅夏威夷魚生丼。店舖外貼咗唔少丼飯嘅介紹，容易吸引街坊嘅目光😚。店舖主力做外賣🥡，但都設有幾個堂食座位。望住街景食，都有少少Chill嘅感覺。外籍店員好友善，主動介紹有乜菜式，並建議嗌Half Half飯底拼沙律菜🥗，咁樣感覺健康啲，而且如果全碗都係飯嘅話就會太飽了。餐廳提供九款預設好嘅招牌丼Signature Bowl，咁樣非常好👍，免卻自選嘅煩惱。不過當然你亦有得自行搭配DIY，兩者計落差唔多價錢。Lomi Lomi($138/Large Bowl)，如果鍾意食三文魚就推介呢款🍣，因為有三文魚刺身粒同煙三文魚；而其他配料就包括青瓜、車厘茄、芫荽、洋蔥同果仁等，夾夾埋埋好豐富。丼飯用上柚子醬油調味，再加上微酸嘅菠蘿粒，味道偏濃，不過我覺得係惹味多過重口味🤤。呢款我哋要咗大Size，碗嘅直徑明顯大啲，份量幾多，但普通Size其實都唔爭好遠，因為個碗高身啲。Supreme Chicken($80/Regular Bowl)，唔食魚生的話，可選雞肉或素食。🐔呢款有好多雞胸肉粒，食落唔嚡，富有口感；而其他配料就包括鷹嘴豆、芫荽、
最近又有新餐廳「Poke Love」登陸般咸道，今次係食近嚟大熱嘅夏威夷魚生丼。店舖外貼咗唔少丼飯嘅介紹，容易吸引街坊嘅目光😚。
店舖主力做外賣🥡，但都設有幾個堂食座位。望住街景食，都有少少Chill嘅感覺。
外籍店員好友善，主動介紹有乜菜式，並建議嗌Half Half飯底拼沙律菜🥗，咁樣感覺健康啲，而且如果全碗都係飯嘅話就會太飽了。
餐廳提供九款預設好嘅招牌丼Signature Bowl，咁樣非常好👍，免卻自選嘅煩惱。不過當然你亦有得自行搭配DIY，兩者計落差唔多價錢。
Lomi Lomi
$138
27 瀏覽
0 讚好
0 留言
Lomi Lomi($138/Large Bowl)，如果鍾意食三文魚就推介呢款🍣，因為有三文魚刺身粒同煙三文魚；而其他配料就包括青瓜、車厘茄、芫荽、洋蔥同果仁等，夾夾埋埋好豐富。丼飯用上柚子醬油調味，再加上微酸嘅菠蘿粒，味道偏濃，不過我覺得係惹味多過重口味🤤。呢款我哋要咗大Size，碗嘅直徑明顯大啲，份量幾多，但普通Size其實都唔爭好遠，因為個碗高身啲。
Supreme Chicken
$80
22 瀏覽
0 讚好
0 留言
Supreme Chicken($80/Regular Bowl)，唔食魚生的話，可選雞肉或素食。🐔呢款有好多雞胸肉粒，食落唔嚡，富有口感；而其他配料就包括鷹嘴豆、芫荽、洋蔥、炒蒜頭、芝麻以及不得不提嘅煎太陽蛋🍳，篤穿蛋汁撈飯食無得輸。丼飯以蛋黃醬調味，無好漏之餘更難得帶點清新。主食底揀咗半半，沙律菜新鮮，而飯亦都有得揀壽司珍珠飯或糙飯，我認為前者大粒啲，比較好味🍚。
飲品方面，佢都係入貨而已，我哋要咗果汁($25)同椰子水🥥($15)。Emma & Tom’s枝Green Power好酸呀，但營養價值高💚。
總括嚟講，依間小店嘅出品唔錯，雖然價錢稍貴，不過質素取勝。Poke無論主食底、餸料定醬汁都處理得好好😋，如果想食得輕盈啲嗰日，我會選擇嚟呢度啊。
張貼
