船皇 (謝斐道) (已結業)

好耐無食過泰國嘢，係銅鑼灣行街經過見到呢間食船麵既餐廳，門口有人等位，價錢又唔係貴，就入去試下。星期六下晝嚟，週圍都要等位，呢度等咗五分鐘入得去，都唔算太耐。佢既麵有分撈麵同湯麵，因為之前食船麵都係鐘意佢個濃湯，所以今日都係揀返湯麵，朋友就試下新嘢揀咗撈麵，呢度就有大細碗揀，食細碗就可以連埋其他小食一齊食，試多啲，不過因為我地都好肚餓又當正餐食，就叫咗船麵既大碗，又咩餸都有。Menu好貼心有show埋可以揀咩麵底，食泰國嘢我就梗係揀金邊粉啦。我叫既船皇湯麵($58)，每樣食物有小小，有雞翼、牛腩、肥牛、肉丸、雞翼同豬潤等等，根本上全部味道都不錯，最鐘意食係個兩粒肉丸，食落去都彈牙。而個湯底好香濃，唔會太咸。朋友叫既船皇撈麵($58)，餸就同我一樣，大家都share咗小小俾大家，個人覺得湯麵比較香濃同無咁乾身，啱自己食啲。如果覺得唔夠味枱麵都有一啲醬料例如魚露等可以加。飲品我地見到人地枱個涷泰式奶茶好特別就跟住叫咗，跟餐係加$18有得飲，個色水一睇就知係thai tea，之前飲過既thai tea都算幾甜，但呢個就唔會，甜度啱啱好，茶味又幾香，而且個賣樣特別都有加分。