影片
更多
2024-12-18
0 瀏覽
喺Openrice見到銅鑼灣嘅Little Fresh Cafe & Bar ，見細細間好似幾適合約朋友上去，所以星期五晚就上咗去試試。先想講音樂，一入到去就聽到佢哋播嘅音樂好柔和，好聽得嚟又唔會太大聲，同朋友傾計呢個環境超舒服！同埋睇埋佢哋燈光都係咁柔和，呢間餐廳約朋友上去一流！法式洋蔥湯先嚟個法式洋蔥湯做前菜～湯底濃郁，散發洋蔥嘅甘甜，入口順滑，帶有淡淡嘅香草味。佢哋soup base係用牛肉湯，湯裡面有一粒粒牛肉！🧅蟹籽田園沙律新鮮嘅沙律菜同番茄，配搭帶鹹鹹海味嘅蟹籽，色彩繽紛，視覺效果非常吸引。沙律醬選用咗帶輕微酸味嘅醬，令整體口感清新又開胃。蟹籽嘅鹹香為沙律增添咗層次感，咬下去仲有輕微嘅爆珠效果，各樣味道都好夾。🥗🦀四天風乾12小時慢煮油封鴨髀油封鴨髀絕對係主菜中嘅亮點～鴨髀經過四天風乾，再用慢煮12小時嘅工序製作，肉質超級嫩滑！鴨肉入口即化，調味恰到好處，既保留咗鴨肉嘅鮮味，又唔會過於油膩。另外佢哋喺dish上加上檸檬皮碎、dijon mustard、同茄汁，中和鴨肉嘅濃郁，又加多啲層次～佢哋連其他配菜都唔hea，連旁邊嘅西蘭花都有配搭嘅調味，加埋炸薯粒，輕輕中和咗鴨肉軟軟
法式洋蔥湯先嚟個法式洋蔥湯做前菜～湯底濃郁，散發洋蔥嘅甘甜，入口順滑，帶有淡淡嘅香草味。佢哋soup base係用牛肉湯，湯裡面有一粒粒牛肉！🧅
蟹籽田園沙律新鮮嘅沙律菜同番茄，配搭帶鹹鹹海味嘅蟹籽，色彩繽紛，視覺效果非常吸引。沙律醬選用咗帶輕微酸味嘅醬，令整體口感清新又開胃。蟹籽嘅鹹香為沙律增添咗層次感，咬下去仲有輕微嘅爆珠效果，各樣味道都好夾。🥗🦀
四天風乾12小時慢煮油封鴨髀油封鴨髀絕對係主菜中嘅亮點～鴨髀經過四天風乾，再用慢煮12小時嘅工序製作，肉質超級嫩滑！鴨肉入口即化，調味恰到好處，既保留咗鴨肉嘅鮮味，又唔會過於油膩。另外佢哋喺dish上加上檸檬皮碎、dijon mustard、同茄汁，中和鴨肉嘅濃郁，又加多啲層次～佢哋連其他配菜都唔hea，連旁邊嘅西蘭花都有配搭嘅調味，加埋炸薯粒，輕輕中和咗鴨肉軟軟嘅texture，加多幾分！整道菜無論係視覺定味覺都非常出色，絕對係值得一試嘅招牌菜。🍗🥔
瑞士汁乳鴿意粉呢道菜真係好有創意！意粉煮得剛剛好al dente，吸收咗濃郁嘅瑞士汁，有啲豉油西餐嘅感覺，so satisfying～四大嚿嘅乳鴿肉質鮮嫩，配埋菇同青椒，佢哋同意粉嘅口感形成咗完美嘅搭配。呢道菜將中西風味結合得非常巧妙，回味無窮啊！🍝🐦
熱CappuccinoCappuccino表面嘅奶泡綿密，咖啡香氣濃郁，入口帶有輕微嘅苦味，咖啡嘅溫度控制得恰到好處，非常適合作為餐後飲品，為整餐劃上完美句號。☕✨
荔枝青檸薄荷梳打呢款荔枝青檸薄荷梳打清新解渴，配搭荔枝嘅甜香、青檸嘅微酸同薄荷嘅清涼，非常清爽怡人。🍋🍹
Little Fresh Cafe & Bar成功將法式料理同創意結合，無論係前菜、主菜或飲品，都展現咗廚師對食材同味道嘅用心。環境輕鬆優雅，非常適合朋友聚餐或者享受悠閒嘅一餐，呢間餐廳絕對值得一訪！另外佢哋仲有另一間油麻地分店，大家都可以去試試～
張貼
