富山居 (裝修中)

哥哥今日話我要帶我去食好西，就帶咗我嚟大埔食日本嘢😋加州反卷伴雜錦壽司 食物一上枱賣相已經好吸引，有中華沙律呢個前菜同烏冬呢款主食，烏冬彈牙湯底小小嘅甜味唔會好鹹，用肉眼影睇到烏冬吸收晒湯嘅精華，好味道☺️另外每款壽司都好新鮮，三文魚油脂均勻唔會好肥，北寄貝同墨魚新鮮有咬口，熟蝦肉質彈牙，玻璃蝦好通透食落爽口🥰至於加州卷本身層次已經好豐富加上表面一點嘅沙律醬令鮮味更出 讚🤤十勝厚切吉列豬扒飯哥哥就叫做呢款豬扒飯，豬扒有足足手掌咁大塊，淨係睇都已經覺得炸得好酥脆，側面睇炸粉好薄，豬扒好厚肉果然係厚切🤩而咖喱汁係另上，店員仲好有心思喺咖喱汁上面畫咗一個心心😆咖喱嘅味道唔會好辣，咖喱汁煮得好細緻，口感好滑身，撈飯真係一流🤤真心推介大家一定要嚟試呢間日本嘢，份量極足，絕對唔會為咗節省成本用唔新鮮或者細分嘅嘢❗️