Outdark (飛達商業中心)

營業中

休息中

認識 outdark 係因爲同事話果到有口罩派俾顧客，雖然我去當日已經無曬貨，但仍然好欣賞佢地，希望幫到更多有需要的人。晚市 full house, 疫情橫行下，仲能夠見到咁既場面，好難得。亦證明呢間食店應該好掂。熱鬧的氣氛下，聽住 K-pop 望住滿天星星，等食亦可以好浪漫。辣炒豬肉 $268今晚想食辣辣地，惹味的，叫左個辣炒豬肉。細食的我們 ，一個 dish 已經足夠。韓燒爐上，大格小格有齊主菜、小食同飯，好有韓國風味。辣炒豬肉，用上韓式甜辣醬調味，加入好多洋蔥、青蔥同芝麻一齊炒，份外惹味。大量芽菜墊底，吸收了甜辣醬，好好食，亦相對冇咁油膩。圍邊小食當中最吸晴最邪惡的，莫過於係粟米芝士醬，影張指定動作先。而另一邊有加入了紫菜碎同芝麻油的白飯，火爐加熱後真心香。好快清曬，份量略為不足，可以加飯嗎？前菜仲有泡菜同菠蘿粒，泡菜味道一般，而菠蘿粒就幾清甜。蜂蜜米酒 $125每次去韓國都必飲的自家釀米酒，原來呢到都有，用大砵上，即時覺得自己去左首爾。韓國馬格利酒，入口順滑，甜甜地又米味十足，酒味不算濃，唔覺唔覺飲好多。簡簡單單已經好好味，難怪咁多人捧場。