雪山冰廳

營業中

休息中

挨年近晚，又要辧年貨，又要封定利是，手頭開始有啲緊。嗰晚經過開長沙灣，打算平平地食餐好。就俾我地搵到間價錢相宜嘅茶記冰室。唔好以為茶記冰室就只係食茶記冰室嘅嘢，原來呢度仲有晚飯小菜同季節限定羊腩煲都好正喎！我地點咗個二人套餐，有齊燉湯、一味小菜、一味海南雞或霸王雞或是日海上鮮（加10蚊）。我地平時好少機會食魚，所以加錢揀咗黃花魚。其實是日海上鮮仲有盲鰽、䱽魚同紅鮪揀，但盲鰽就一早售罄咗。上菜速度都好快，燉湯足料而且滾熱辣，飲完成身暖笠笠。黃花魚新鮮，肉質嫰滑。個套餐$178，呢個價錢，你話抵唔抵食喇？