樂天皇朝 (已結業)

真係好耐冇食上海野， 今日遊走尖沙咀， 遊到嚟皇朝食小籠包，樂天皇朝位於加拿芬廣場，很方便，好耐之前見過一籠有八種口味的小籠包，想試己久。食店光猛，  高級酒樓裝潢格局。鍾意睇呢啲食物相片大大張的餐牌，未食先興奮， 估唔到價錢又頗大眾化。特色皇朝小籠包 ($118)不同顏色小籠包有不同味道, 共8款；招牌原味, 蒜香,人參,鵝肝,芝士,麻辣,蟹粉及黑松露‚貪新鮮的我當然想一次過試晒佢啦。冇某人咁快手，只係食到呢三粒,  粒粒湯汁豐富；黑松露 ~ 好清香的黑松露配上新鮮豬肉， 肉汁豐富且香濃， 鮮味不鹹膩。人參 ~ 第一次食有人參味嘅小籠包， 有啲食人參雞湯嘅感覺， 不過唔係用雞係用豬肉， 人參味都幾濃。麻辣 ~ 麻辣火鍋味道配落小籠包又出奇夾到， 香辣既肉汁食落幾特別， 味道都唔錯。鮮蝦豬肉抄手拌麵 ($68)佢哋嘅拉麵都好似幾出名， 叫咗個鮮豬肉抄手試一試， 超大碗， 足夠兩人份量， 撒上大量蔥花及炸蒜蓉， 非常香口。抄手都係大大隻， 爽口， 配上紅油抄手的上湯辣汁， 香辣惹味，麵條煮得微彈不腍。上海風味醬鴨 ($58)廚師推介點都要搵樣黎食上海風味醬鴨煙燻過，鴨肉结實鹹香， 要嚟送