Luna Bar & Restaurant

營業中

休息中

冬陰功湯（細）：一上臺已聞到好香，睇色水就知湯底好香濃，有唔少既香料係入面，酸度及辣度平均，配菜亦都有唔少，有蝦，菇菌類等等，飲完個湯特別開胃醒神。串燒拼盤：豬牛雞各兩串。賣相唔錯，份量亦都唔細新鮮燒起上到嚟熱辣辣，有沙嗲醬同酸醋比你點，個特色。牛串味道濃郁，頗有驚喜。海南雞（細）：雞件好嫩滑，肥瘦適中，份量亦都好足，送飯一料。菠蘿海鮮炒飯：原個菠蘿上，賣相幾有睇頭。飯粒都夠乾身，唔會油淋淋咁，有臘腸，肉鬆提味，加埋海鮮配菜，味道好夾。食件海南雞送兩啖飯更加是絕配。總結：環境舒適，裝修新淨，食物質素唔錯，份量足性價比高，冬陰功湯頗有驚喜，值得一試。