莆田 (美麗華廣場2期) (已結業)

喺美麗華商場行吓行吓，見到有宣傳呢間米之蓮餐廳，見到價錢又合理，就同朋友兩個人一齊入咗去食。酥炒芋芯呢道菜係我同朋友最鍾意食嘅，芋頭香口，外層係有少少脆甜，入面嘅芋頭好綿質，下次黎食都要嗌多一次。百秒黄花魚黃花魚好鮮甜，冇好多嘅醬汁，仲保持左個鮮味同食到魚嫩滑，好啱鍾意食魚嘅朋友。興化炒米粉而家越來越少餐廳提供呢款咁幼細嘅米粉，難得喺呢度食到，呢碟餸可以見到廚師哥哥嘅工夫，炒米粉唔會黐底唔會變得一嚿嚿，仲係每條分明，味道唔會太乾。$188/2款去到見到而家做緊優惠$188有兩款餸，任揀，正正。九層塔香燜海蠣未食就聞到好重嘅九層塔味，見到個煲入邊都真係有唔少嘅九層塔，海蠣係呢間鋪最出名嘅食物，而呢個配搭令到海蠣全部都充滿九層塔嘅味道。江口家鄉湯海蠣食完炒嘅嘢，就特登揀一個有湯水嘅食物。呢個湯水味道特別，有海蠣，蕃茄，菜等，係有海蠣嘅鮮味。