大頭芋烘焙

營業中

休息中

一向都好鍾意食有芋頭嘅食物，今年多左好多芋泥甜品，正合我意。今次特登訂左呢間好出名嘅大頭芋嘅芋頭酥同埋芋泥蛋捲，去荔枝角門市自取。芋頭酥（原味）$125/6有幾款口味揀，分別係原味、蛋黃味、麻薯味同埋話梅味。因為最想食到濃濃嘅芋頭味，所以我就揀曬原味。食落芋頭餡嘅芋頭味好香濃，餡料飽滿扎實，口感濕潤得黎又黏黏地咁，甜度適中，好好食。除左大盒嘅包裝之外，仲有單粒嘅獨立盒裝，用黎做散水餅都幾好。爆漿芋心蛋捲$95拎上手好墜手，嗰陣就感覺到應該會好足料。一打開發現啲芋泥餡真係爆漿咁，芋泥餡多過蛋糕，正。芋頭味香濃，呢個嘅芋泥餡比起芋頭酥更加滑順黏稠，配埋甜甜地嘅鬆軟蛋糕，不知不覺就食曬，好滿足。