影片
更多
2024-04-15
885 瀏覽
以往去酒店食下午茶，多半是與好友兩個人慢慢食慢慢傾，六條友約埋一齊食Tea都真係第一次。無計，有啲人好耐無見，又好鬼忙，約到天荒地老都未食到飯，唯有齊齊嘆下午茶，原來咁樣嘻嘻哈哈，都幾開心丫~另一個首次，就係來九龍東皇冠假日酒店的星幕，據聞景觀好靚。如果是秋涼天氣，坐在露天位置，遠眺將軍澳大橋與海景，咁樣嘆下午茶肯定好正。然而，近排實在太熱，除左我之外，大家又不是飲食界林超英，唯有坐番入去嘆住冷氣食Tea。廢話講多了，還是說回美食，今期主題係芒果！由三層架的最底部開始，三文治是蟹肉芒果餡，兩者當然夾，一定穩陣。Scone就一返傳統，混入了芒果乾在內，鬆軟又清新，配上的除了Clotted Cream外，果占也貫徹芒果口味，好有驚喜。中間嗰層以咸食為主，帶子煎至外微焦內細嫩，估唔到佢同芒果沙沙醬都好合拍，要讚師傅大膽的嚐試。米紙卷既有紫椰菜絲與芒果及肉碎在內，色彩繽紛之餡料若隱若現，同樣吸引。大蝦天婦羅都幾有氣勢，凍湯有少許似在吃甜品的感覺，可能是加入了芒果及蜜瓜的緣故。頂層就是我最期待的甜點了。千層酥、忌廉撻、蛋糕及可麗餅等，全數加入芒果原素，對於我這芒果迷而言，實是無得輸。個人最喜愛芒
以往去酒店食下午茶，多半是與好友兩個人慢慢食慢慢傾，六條友約埋一齊食Tea都真係第一次。無計，有啲人好耐無見，又好鬼忙，約到天荒地老都未食到飯，唯有齊齊嘆下午茶，原來咁樣嘻嘻哈哈，都幾開心丫~
另一個首次，就係來九龍東皇冠假日酒店的星幕，據聞景觀好靚。如果是秋涼天氣，坐在露天位置，遠眺將軍澳大橋與海景，咁樣嘆下午茶肯定好正。然而，近排實在太熱，除左我之外，大家又不是飲食界林超英，唯有坐番入去嘆住冷氣食Tea。
廢話講多了，還是說回美食，今期主題係芒果！
由三層架的最底部開始，三文治是蟹肉芒果餡，兩者當然夾，一定穩陣。Scone就一返傳統，混入了芒果乾在內，鬆軟又清新，配上的除了Clotted Cream外，果占也貫徹芒果口味，好有驚喜。
中間嗰層以咸食為主，帶子煎至外微焦內細嫩，估唔到佢同芒果沙沙醬都好合拍，要讚師傅大膽的嚐試。米紙卷既有紫椰菜絲與芒果及肉碎在內，色彩繽紛之餡料若隱若現，同樣吸引。大蝦天婦羅都幾有氣勢，凍湯有少許似在吃甜品的感覺，可能是加入了芒果及蜜瓜的緣故。
頂層就是我最期待的甜點了。千層酥、忌廉撻、蛋糕及可麗餅等，全數加入芒果原素，對於我這芒果迷而言，實是無得輸。個人最喜愛芒果熱情果Crepe，軟熟的餅皮內是清新的果肉內餡，好想Encore一件，甚至兩件。
呷口茶，吃件甜點，跟大家風花雪月，週末在港都可以開心過。
張貼
