達人包車 (已結業)

尋日同友人係銅鑼灣行街，見餓餓地就係openrice搵下有咩好食啦，搵搵下見到之前經過尖沙咀見到嘅達人包車，原來係銅鑼灣開咗分店，之前一直想試但次次都排曬長龍，今次終於有機會試下！一上到鋪頭，可能因為新開，人流唔算多，店員好快就帶我哋坐底，一坐底就有小菜同水。但因為價錢都唔太平，同朋友就淨係叫咗個芝士排骨。上菜效率都幾快，唔洗話等好耐。不過估唔到原來排骨有點辣，好彩同友人都算食得辣，肉質都幾冧，好食~ 韓國店員教我哋等啲芝士溶咗就可以捲埋啲排骨一齊食，辣辣地嘅排骨再加上香噴噴嘅芝士，原來特別滋味排骨下面仲有啲栗米 芽菜 洋蔥等等，夾埋一齊食都唔會太膩隔離嘅芝士腸同飯糰仲有辣辣地嘅年糕都好惹味啊!!