Goobne Chicken (M88) (已結業)

lunch食芝士炸雞真係好邪惡🙈超級多人，基本上一定要訂位。UFO Fondue🧀🧀🧀🧀🧀🧀有三種芝士mix埋的芝士火鍋，芝士控必食，食唔厭！可以揀2款口味的雞，中間的芝士俾你加熱後沾雞食。其實黎左好多次所以6隻口味都試過晒，如果食辣最好味係火山烤雞。雞肉本身都好嫩滑，就咁食唔沾芝士一樣正。另外試左個黑椒烤雞，就唔係好得，味道麻麻。雞蛋捲個人認為有粉絲個款比較特別，上面有茄汁加芥辣，令到個蛋食落冇咁膩。泡菜餅海鮮餅煎得幾香，但份量偏小。飲品有幾杯果味偏向藥水味，荔枝已經比較好，不過都係好甜。韓式拌粉絲清爽，好多雜菜，好香麻油味！如果覺得食到好膩可以食下酸蘿蔔。